ഡോക്ടർ. മികാഓ ഉസൂയി ചിട്ടപ്പെടുത്തിയ ആധുനീക റെയ്കി സമ്പ്രദായത്തേയും , പൗരാണിക ഭാരതത്തിലെ ആചാര്യന്മാരായ യോഗീശ്വരൻമാരും ഋഷീശ്വരൻമാരും സിദ്ധൻമാരും പകർന്നു തന്ന അറിവുകളെയും ശാസ്ത്രതത്വങ്ങളേയും ഗാഢമായി പഠിച്ച് തൻ്റെ 21 വർഷത്തെ (1991-2012 )പഠന ഗവേഷണങ്ങൾക്കു ശേഷം കാലാന്തരത്തിൽ പൂർവകാല റെയ്കിയിൽ നിന്നും നഷ്ടപ്പെട്ടു പോയ ക്ഷിപ്രഫലദായകങ്ങളായ കണ്ണികളെയെല്ലാം കൂട്ടിച്ചേർത്തുകൊണ്ട് ഗുരു. ശ്രീ.കെ.എസ്സ്. ഗണപതി ശർമ്മ 2012 ൽ സ്ഥാപിച്ചിട്ടുള്ള റെയ്കി പ്രസ്ഥാനമാണ് അമൃതപഥം. സ്വന്തമായി വികസിപ്പിച്ചെടുത്ത സാധനാ തന്ത്രങ്ങളും ഹീലിംഗ് ടെക്നിക്കുകളുമാണ് പഠനവിഷയങ്ങളായി അമൃതപഥം തയാറാക്കിയിരിക്കുന്നത്. അവ സ്ഥിരമായി പരിശീലിക്കുന്നതിലൂടെ ഒരു വ്യക്തിയുടെ ശാരീരികവും മാനസികവും ബൗദ്ധികവും വൈകാരികവുമായ വ്യാപാരങ്ങളിൽ മാറ്റങ്ങൾ വന്ന് വ്യക്തിപരവും കുടുംബപരവും സാമൂഹികപരവുമായുള്ള ഇടപെടലുകൾ സുഗമമായി നടത്തുവാൻ തക്കവണ്ണം ഉയർന്നു വരുന്നു.